شعارات العلامات التجارية المصممة على Canva

اللوجو بتاعك هو واجهة مشروعك أو شركتك. ولما تيجي تصمّم الجزء المهم ده من هوية علامتك التجارية، أكيد عايز تطلع بأفضل صورة وتعمل حاجة الناس تفتكرها.

تسجيل اللوجو كعلامة تجارية بيكون خطوة إضافية في الاتجاه ده. لما تسجّل علامة تجارية، ده معناه إن ليك الحق الحصري في استخدامها لتمييز منتجاتك وخدماتك عن منتجات وخدمات الشركات التانية.

لو حابب تصمّم لوجوهات على Canva وتقدر تسجّلها كعلامة تجارية، فيه طريقتين:

لما تصمّم لوجو مميز من الصفر على Canva، تقدر تستخدم خطوط وأشكال بسيطة من مكتبتنا المجانية. وتقدر كمان تستخدم كل الخطوط عندنا.

لكن ما ينفعش تستخدم محتوى من مخزون العناصر (زي الصور وتصميمات الجرافيك)، لأننا بنمنحك ترخيصًا غير حصري لاستخدامه. مستخدمو Canva التانيين يقدروا يستخدموا نفس المحتوى، وده معناه إن محتوى مخزون العناصر مش مناسب للاستخدام في لوجو عايز تسجّله كعلامة تجارية. لازم تكون عناصر اللوجو حصرية ليك.

اعرف أكتر في شرح التراخيص.

تقدر تحمّل تصميم اللوجو بتاعك على Canva. ممكن يكون لوجو صمّمته بنفسك أو طلبت من مصمّم جرافيك يصمّمهولك.

بعد ما تحمّل لوجوك، تقدر تستخدم Canva لعمل مواد دعائية عليها علامتك التجارية لمشروعك، زي محتوى السوشيال ميديا، وكروت البيزنس، والمنشورات، وحاجات كتير تانية.

تقدر تخصّص قوالب اللوجوهات من Canva ويقدر أي حد يستخدمها. وده معناه إن حقوقك في اللوجو مش حصرية وما ينفعش تسجّله كعلامة تجارية.

استخدام قالب لوجو طريقة رائعة لتصميم لوجو لو لسه بتبدأ ومش فارق معاك إن الحقوق تكون حصرية ليك.

لو ما عندكش وقت أو ميزانية لتصميم لوجو مميز، فدي طريقة سريعة وسهلة لعمل هوية أساسية لمنتجاتك وخدماتك.

الخدمة دي مش متاحة عندنا حاليًا. بننصحك تتواصل مع مصمّم جرافيك أو فنان محلي بدلًا من كده.